बेनी, २४ कात्तिक । बेनी–दरवाङ सडक अन्तरगत बेनी नगरपालिका–४ सिंगाको घुमाउने भिरबाट जिप खोलामा खस्दा दुई जना घाइते भएका छन् ।
दरवाङ देखि बेनी आउदै गरेको बा १६ च ८११० नम्बरको बोलेरो जिप शनिबार राती १०.२० बजेको समयमा सडकबाट म्याग्दी खोलामा खसेको थियो ।
दुर्घटनामा मंगला गाउँपालिका–२ सिमलचौरका अन्दाजी ३० वर्षका सुन्दर खड्का र ३० वर्षका ललीत बानिया घाइते भएका जिल्ला प्रहरी कार्यालयका प्रहरी निरिक्षक धु्रबप्रसाद शर्माले बताउनुभयो ।
बेनी अस्पतालमा उपचार गराइरहेका उनिहरुको टाउको र खुट्टामा चोट लागेको छ । खतरामुक्त रहेका उपचारमा संलग्न चिकित्सकले बताएका छन् ।
तातोपानी प्रहरी चौकीका प्रहरी नायव निरिक्षक त्रिलोचन पौडेल नेतृत्वको टोलीले घाइतेको उद्धार गरेर बेनी पठाएको थियो ।