जिम्बाब्वेविरुद्ध जित हात पार्ने लक्ष्यमा नेपाल

१४ असोज, काठमाडौं । टी-२० त्रिकोणात्मक सिरिज क्रिकेटमा नेपालले आज टेष्ट राष्ट्र जिम्बाब्वेसँग प्रतिस्पर्धा गर्दैछ ।

इण्डियन एशोसिएसन क्रिकेट मैदानमा आज साझँ नेपाली समयअनुसार ५ बजेर १५ मिनेटमा जिम्बाब्वेसँग नेपालले प्रतिस्पर्धा गर्न लागेको हो । जिम्बाब्वे विरुद्धको पहिलो खेलमा नेपाल पाँच विकेटले पराजित भएको थियो । त्यो हारको बदला लिने लक्ष्यमा पनि नेपाल रहेको छ ।

अंक तालिकामा नेपाल शीर्ष स्थानमा रहेको छ । नेपालले आफ्नो दोस्रो खेलमा भने सिंगापुरलाई ९ विकेटले पराजित गरेको थियो । नेपाल आजको खेलमा पनि जिम्बाब्वेलाई पराजित गर्दै सिरिजको फाइनलमा पुग्ने लक्ष्यलाई बलियो बनाउने दाउँमा छ ।

डबल राउण्ड रोविनको आधारमा सञ्चालन सिरिजमा नेपालले लिग चरणको अन्तिम खेलमा भोलि सिंगापुरसँग खेल्नेछ । शीर्ष दुई टिमले फाइनलमा प्रतिस्पर्धा गर्नेछ ।

Leave a Reply

Scroll to Top
%d bloggers like this: