माघ ४ । प्रदेश नम्बर २ को सरकारले भोलि सोमबार प्रदेशमा सार्वजनिक बिदा दिएको छ ।
बलिदानी दिवसको अवसर पारेर प्रदेशभर बिदा दिइएको मुख्यमन्त्रीको सञ्चार सचिवालयले जानकारी दिएको छ । मधेश आन्दोलनका क्रममा शहादत प्राप्त गरेका सहिदहरूको सम्झनामा प्रत्येक वर्ष माघ ५ गतेका दिन बलिदानी दिवस मनाइन्छ ।
बलिदानी दिवस सिरहाको लहानका मधेश आन्दोलनका प्रथम सहिद रमेश महतोको सम्झनामा मनाइँदै आइएको छ । यस वर्ष भने प्रदेश २ का विभिन्न ठाउँमा दिवस मनाइने बताइएको छ ।