बेनी, ३२ जेठ । कोरोना (भाइरस) नियन्त्रणका लागि सरकारले लिएको नीति सुधार गर्न माग गर्दै बेनीका युवाले आइतबार प्रर्दशन गरेका छन् ।
जिल्ला प्रशासन कार्यालय अगाडी जम्मा भएका युवाहरुले प्ले कार्ड सहित भौतिक दुरि कायम गर्दै बिरोध प्रर्दशन गरेका हुन् । बिहान १० देखि ११ बजेसम्म प्रशासन कार्यालय अगाडको चोकमा बसेर प्रर्दशन गरेका थिए ।
‘सरकारलाई खबरदारी गर्न सामाजिक सञ्जाल फेसबुक मार्फत अपिल गरेका थियौ,’ प्रर्दशनको अगुवाई गरेका छवीलाल आचार्यले भन्नुभयोे ‘बेतिथिको खबरदारी र सुधारका लागि दवाव दिन रचनात्मक शैलीमा प्रर्दशन गरेका हौ ।’
एनिहरुले पीसीआर बिधिबाट कोरोनाको परिक्षणमा तिब्रता दिनुपर्ने, बजेटको सही परिचालन गर्नुपर्ने, क्वारेन्टिनलाई मापदण्ड अनुसारको बनाउनुपर्ने, अनियमितता गर्नेलाई कारबाही गर्नुपर्ने, जनजिबन सहज बनाउनुपर्ने लगायतका माग राखेका थिए ।
भारतले कब्जा गरेको लिम्पीयाधुरा, कालापानी र लिपुलेकलाई नेपालको निशान छाप तथा संबिधानमै समावेश गर्ने वातावरण मिलाएकोमा सरकारलाई धन्यवाद समेत दिएका थिए । राष्ट्रिय मुद्दाका साथै स्थानीय विषयमा पनि जनप्रतिनिधिहरुलाई खबरदारी गरेका थिए ।
बेनीको कालीपुल बसपार्क निर्माणमा ढिलाई भएको र बेनीमा कोल्ड स्टोर निर्माणमा आएका एक करोड किन फिर्ता भयो भनेर प्रश्न गरेका थिए । छातिमा प्लेकार्ड टासेका केही प्रर्दशनकारीले नेपालको झण्डा समेत समाएका थिए ।
सरकारले अहिलेको समस्यालाई ब्यवस्थापन गर्न नसकेकाले राजधानीबाट सुरु भएको आन्दोलनको हिस्सा अन्तरगत बेनीमा पनि प्रर्दशन गरेका हुन् । अधिकांश युवा सामाजिक सञ्जाल फेसबुकमा कुराकानी गरेर छोटो समयमै भेला भएका बिनिता खत्रीले बताउनुभयो । अधिकांश नयाँ अनुसार थिए । सहभागी सबैजसो विद्यार्थी थिए ।
